成記麵家 (已結業)

每次買完餸，都一定會叫碗外賣返去食，簡簡單單又一餐，可以話上水區我只會幫襯以間車仔麵，每次去到都好多人排隊食，以到係你排完隊買完，店員就會幫你搵位坐低食，每次黎到我都會一定叫豬紅，羅白，魚蛋，豬腸，油麵。豬紅，羅白，豬腸都入晒味，豬紅冇血腥味，羅白大大舊，如果唔夠食亦可叫加半底麵，同囡囡一齊食岩岩好份量，而且如果怕油麵索晒水，可以叫佢湯另上，所以拎到返屋企都唔會話發晒脹唔好食，湯加腩汁，加少少辣，真係冇得頂。