大頭蝦餐廳

營業中

休息中

外賣一碗都可以俾錯！叫咗碗泰式豬頸肉喇沙外賣自取，但行到老遠返屋企打開先發覺佢俾咗生牛肉湯河我！之後我打電話問佢可唔可以送返碗泰式豬頸肉喇沙去我附近，點知個阿姐態度勁差話唔得，叫我「你下次嚟我俾返你啦」！我唔食生牛肉所以一定要換。有冇搞錯自己包錯免外賣又唔負責任！要我山長水遠行返去佢鋪頭玩換，來來回回嘥咗我一個鐘！最後食嗰碗喇沙個湯底好似啲湯粉溝出嚟咁，啲嘢食又凍哂。真係見過鬼怕黑，平嘢冇好，以後都唔會再幫襯。