金拇指米線 (福至工業大廈)

營業中

休息中

呢排都唔敢出去食飯，所以都係去買外賣返去食。揀咗呢間茶記，貪佢選擇多，大份夾抵食。我點咗三樣嘢，黑椒牛肉炒意粉：一打開俾分量嚇一驚，下午茶都係大大份。牛肉炒得軟嫩，黑椒味都啱啱好，唔會太辣。幾啱我口味。日式芝麻醬撈烏冬：同事點咗呢個，我覺得都幾特別，茶餐廳都有日式嘢食。花生醬西多士 配沙律：西多士仲配埋沙律，二十幾蚊，都算係咁啦。茶記嘢食就無咩好評，環境就無咩期待，但都算整齊企理。食物味道最緊要，幫襯咗咁耐，都覺得無咩伏位，味道有保證。