たまご園 (形點 I)

營業中

休息中

估唔到疫情第三波殺埋黎搞到連夜晚堂食都無埋.. 夜晚都無得出沒覓食.. 我只好買外賣返屋企.. 今日我揀左買呢間日式蛋物店,因為之前係朗豪坊食過佢既分店， 覺得唔錯好好味. 所以今次係元朗就買佢既外賣返屋企,我叫左五款玉子燒，南蠻炸雞，燉牛肉蛋包飯同埋甜品濃厚朱古力凍.. 我發現外賣同堂食都一樣需時, 因為佢地每樣野都好認真制作.. 我等外賣都等左大半個鐘以上。 但換黎既就係家中同堂食無分別既美食. 我想講個五款玉子燒做得好好， 返到屋企都食都無話太熟都仲好creamy, 另外個南蠻炸雞就一貫好食，因為佢有得點佢既自家製他他醬好開胃，個燉牛肉蛋包飯都唔錯, d牛肉燉到好似牛腩咁濃郁,最後食埋個甜品朱古力凍! 佢包得好精美，搞到我差d唔捨得食. 個朱古力味道同之前堂食一樣入口即溶. 估唔到疫情下都可以係家中有一餐好飯食. 好滿足