The Vigor (水渠道) (已結業)

上去朋友屋企玩，當然要帶外賣上去。因為真係唔知食乜好，所以就隨意係佢屋企樓下買野食上去。咁岩見到呢間有人排隊買野食，見價錢又唔貴就試下啦。。通常出街食飯，我都唔中意食飯，我中意食意粉，麵類😂我就點左個二人餐，再加小食，抵過散叫。。。炸雞髀🍗勁中意食炸雞髀，因為啖啖肉，又滑唔柴。炸粉係好脆！應該有麵包糠係外皮，入口真係酥脆！雞髀調味唔會過咸好食，又大隻！單骨雞翼我覺得個雞翼有KFC果隻雞翼嘅感覺，不過佢就係單骨，一啖一條骨扯出嚟，仲帶有小小辣，爽鮮茄牛仔柳炒意粉哇，一打開其實真係好大兜，仲有好多牛仔柳，啲牛肉都有牛味，唔會好un。意粉係即點即炒，唔會太油，意粉無汁偏乾身有小小茄汁，但真係炒到好香！金菇肥牛卷無得輸嘅小食，煎到好好食好大件！雜菌炒露荀個露荀唔會過老，好怕出街食果啲露荀有渣。呢個應該係用細條露荀去炒，所以好嫩。咁多肉，所以要嗌啲菜中和下嘅。肥牛炒腸粉好搞笑，我都未食過。啲腸粉有肥牛味，又唔會好咸，都幾得意😂呢一兜食完真係好飽肚！呢間小店得2個店員去整野食。鋪頭雖然有冷氣，但開放式，又有炸爐電磁爐，真係好熱，我見佢地出哂汗，件衫都濕哂。兩個男仔都好友善，落完單有講聲要等一下，即