池記 (已結業)

宜家度度都外賣八折，唔知朗豪坊呢d大商場入面既餐廳有冇呢個優惠。行到去food court果層，見到池記有外賣八折。池記既麵，之前喺又一城food court食過，但果個價錢果個質素再加埋十分鐘都出唔到碗麵既速度，真係以後唔會再食。不過今次見佢有八折，折完個湯飯先五十蚊，仲話有五六個送，一於試一試。今次既速度就好好多，等左一等就拎得，丫姨既服務態度都幾好。湯飯分開裝，拎出手好似有d輕，但份量其實都夠。一打開就見到d送鋪滿成個面，但都未見哂全部送，因為仲有兩隻餃子攝左喺底。有雲吞，蝦仁，佢地拿手既炆冬菇，仲有兩大舊鯪魚球。湯飯既湯清清地，有少少胡椒既辣味。送既份量令我驚喜，味道都唔錯，呢個價錢我就覺得好抵食。