一粥麵 (德田廣場)

營業中

休息中

中午lunch時分去買兩個套餐，一個雲吞麵加個炸兩腸40蚊都幾抵食，另一個餐係豬潤粥加蘿蔔糕48蚊。 雲吞麵係鹼水麵，個湯底就夠味，但個麵食食下有啲苦味，唔知係咪關鹼水事，結果食淨半碗。雲吞就正常發揮，有蝦，皮亦都算滑溜。個油炸鬼都幾好食，唯獨過腸粉皮有啲鞋。豬潤有啲偏un,蘿蔔糕就煎過龍,唔脆之餘又有啲林。 最大問題係佢包裝兩個餐都要塞落去一個大膠袋入面，底下唔放紙皮，結果行到返屋企入面啲雲吞湯底同埋學生餐送嘅紅豆冰瀉曬出嚟，冇咗一半。