MR. MAKI (保和大廈) (已結業)

墨西哥辣妹 ＄79有拖羅、赤身、炸蝦、芝士同墨西哥辣椒，拖羅入口即溶，口感豐富又辣辣地。＋＄25 蕃薯條、日式沙律、烏龍茶，番薯條咬落去有驚喜，攞返屋企都依然脆口，除了無糖茶外，有幾款日式梳打水揀。先生巨無霸 ＄89一打開見到咁大舊，一啖都食唔晒，果然冇改錯名，真係叫巨無霸，有鰻魚、炸蝦、蟹棒、芝士、青瓜，灑上脆脆，充滿脆卜卜嘅口感食完好滿足。+$28叉燒烏冬、日式沙律、龍井茶，味道都唔錯，份量都幾多。