元朗冰室

營業中

休息中

不能獨自出外又無人煮飯，屋企附近外賣食到厭，唯有等家人放工買外賣回家做晚餐，今日W生買來兩款厚豬扒飯，其實豬扒係一樣味道，祇係配菜不一樣。厚豬扒配蓮藕餅飯豬扒係幾厚，又幾大塊嘅，質感軟但係肉味唔夠，同時帶有輕微的鬆肉粉味道。唔......不過不失啦....反而個配菜啱我口味多啲，蓮藕餅有粒粒蓮藕，豬肉有質感和肉味，與蓮藕好夾，好味另一個配菜係特製酸菜，酸菜爽口又夠脆，話明係酸菜梗係酸啦，不過唔識分經過咩嘢特別處理方法呀。真係唔講唔知....哈哈聽屋企人講呢間冰室有好多分店，上星期經過旺角，見佢又開一間。