影片
更多
2022-01-25
1044 瀏覽
人生第一次寫食評, 可能經歷完幾回合既晚市禁堂食, 對外賣既要求提高左好多🤭咁岩想食日本野又見到呢間餐廳價錢都ok, 尤其係中環地段, $100有找已經算平, 但都冇諗過係咁唔合理…首先係外賣自取仲要收加一呢樣真係接受唔到, 市面間間寫住外賣自取幾多幾多折咁, 冇折都唔緊要, 但收加一真係好不解😶寧願你本身價錢set高d都冇咁嬲😂其次係包裝問題, 個膠袋打左死結解左5分鐘都未解到! 我同朋友一個叫關東煮烏冬, 一個叫胡麻雜菜冷麵, 一凍一熱點解可以擺埋一齊而冇用紙皮分隔😵開黎食果陣個冷麵面頭d雜菜係熱既, 個兜仲出埋倒汗水😑好彩冇變壞, 但熱食沙律菜都好難頂而個關東煮烏冬, 湯係冇問題既夠熱同正常魚湯, 個烏冬係我鍾意食既稻庭烏冬都正常, 但魚餅, 牛蒡卷同個竹輪唔知浸左幾耐發到漲晒, 除左口感好淋我食唔到任何味😐最最最接受唔到係隻雞蛋, 似係擺左隔夜食落鞋洽洽, 真係好難食, 連普通茶記既洽蛋都好食過佢多多聲🤢$85碗加一雖然唔可以話貴, 但至少都希望係食材新鮮, 而且收加一我當收左外賣兜錢, 冷熱食物分開包裝都至少係基本😮💨所以真係忍唔住要俾負評可能堂食會好d, 但真係唔會再幫襯
咁岩想食日本野又見到呢間餐廳價錢都ok, 尤其係中環地段, $100有找已經算平, 但都冇諗過係咁唔合理…
首先係外賣自取仲要收加一呢樣真係接受唔到, 市面間間寫住外賣自取幾多幾多折咁, 冇折都唔緊要, 但收加一真係好不解😶寧願你本身價錢set高d都冇咁嬲😂
其次係包裝問題, 個膠袋打左死結解左5分鐘都未解到! 我同朋友一個叫關東煮烏冬, 一個叫胡麻雜菜冷麵, 一凍一熱點解可以擺埋一齊而冇用紙皮分隔😵開黎食果陣個冷麵面頭d雜菜係熱既, 個兜仲出埋倒汗水😑好彩冇變壞, 但熱食沙律菜都好難頂
而個關東煮烏冬, 湯係冇問題既夠熱同正常魚湯, 個烏冬係我鍾意食既稻庭烏冬都正常, 但魚餅, 牛蒡卷同個竹輪唔知浸左幾耐發到漲晒, 除左口感好淋我食唔到任何味😐最最最接受唔到係隻雞蛋, 似係擺左隔夜食落鞋洽洽, 真係好難食, 連普通茶記既洽蛋都好食過佢多多聲🤢
$85碗加一雖然唔可以話貴, 但至少都希望係食材新鮮, 而且收加一我當收左外賣兜錢, 冷熱食物分開包裝都至少係基本😮💨所以真係忍唔住要俾負評
可能堂食會好d, 但真係唔會再幫襯😩諗起隻蛋都驚
張貼