小巷弄

營業中

休息中

北角近年開左幾個新樓盤，推旺了附近的食店， 最得益者當然係我呢d食物麻煩神啦。 今日就去位於北角匯的小巷弄台灣食店。小巷弄店舖不算大，但環境雅致， 啱哂文青食住野黎打卡。 疫情未完， 繼續外賣晚餐。 今次特別小小， 只叫小吃，而無叫主食。是日餐單:蚵仔煎鹽酥大雞排炸花枝丸蚵仔煎，台式蚵仔煎同潮州蠔餅分別好大， 呢個蚵仔煎味道好口， 蚵仔大大隻，蚵仔煎重有少少椰菜包住， 咬落去有d爽脆感覺，幾特別， 另外，d醬汁有d辣辣地， 可以帶出成個蚵仔煎的鮮味。鹽酥大雞排，鹽酥味濃， 香脆可口， 雞肉滑，有肉汁，最重點當然係大啦， 剪開塊雞排重有8塊咁多。炸花枝丸，雖然得5粒， 但花枝丸味鮮甜，亦係外脆內軟，好味。下次一定要試下主菜。