吉野家 (V Walk)

營業中

休息中

平時去開奧海城嗰間吉野家食飯，今日見咁啱經開就嚟咗Vwalk。個位置都幾偏僻下，唔喺個商場一樓入面，要特登行出去先搵到，仲要對住停車場。不過作為VWalk少數嘅平民食肆，依然都係好多人嚟食，亦都可能因為呢間分店比較細，就顯得人多。咁我就叫咗一個牛肉飯並盛，然後加咗隻溫泉蛋，要多汁多飯。雖然係一個細飯，但份量比我意想中多，啲牛肉汁亦冇其他分店咁油，而作為配嘅洋蔥亦都炆得比較入味，唔會過生，值得一讚。但吉野家為人垢病嘅都係佢一直會用啲即棄餐具，都幾唔環保下。環境方面，佢算係比較差，衛生係尚可接受，但大部份位都係對住門口，啲人一開一閂門就會扯晒風入嚟，由佢本身係喺停車場，都好容易食塵。所以同食基本上得返好少位置可以揀。