越大哥越式小廚

營業中

休息中

肺炎期間比平時食多咗好多外賣，經網上外賣平台叫外賣既選擇都唔少。春卷撈檬，幾大份，放滿左成個外賣飯盒。雖然係外賣，但春卷仲keep到好脆，而且都幾大嚿，齋食春卷都已經飽飽地。撈檬嘅部份正正常常，同平時食到嘅味道差唔多，連埋啲配料撈埋一齊食再惹味啲。鍾意食素的話，可以叫呢個試吓。越式蝦米乾伴芥蘭菜提供到一碟菜嘅外賣店舖少之又少，不過呢盒芥蘭真係炒得麻麻地，煮得太淋，而且個菜已經黃黃地，似係喺個盒度焗咗好耐，同埋味道太苦，同平時食到好爽口嘅芥蘭好大分別。春卷撈檬都幾好食，有機會要去間餐廳堂食試吓。