萬發海鮮火鍋菜館

營業中

休息中

唔想出街食飯唯有叫外賣，成日都幫襯依間中菜館，D小菜夠鑊氣，就算外賣都好好食，賣相又靚，朋友未食過都話好食。豉椒鵝腸$118好惹味，鵝腸肥美爽口，送啤酒一流。瑤柱琵琶豆腐$118 原來琵琶豆腐係魚肉加豆腐再炸再打芡，芡汁加左好多瑤柱，份量好多好抵食。萬發小炒皇 $128炒得好香唔油，入面有脆卜卜既腰果、蝦乾、鮮魷、菜脯，送啤酒一流。梅子蒸排骨$118梅子酸may may好開胃，排骨蒸到啱啱好唔會韌好淋，好多肉。酥炸南乳骨$118好香南乳味，炸到好脆仲有肉汁唔會乾，送飯一流。金銀蒜蒸勝瓜$88面頭有好香既炸蒜，勝瓜超多汁好有味。