越食 (景林街市) (已結業)

景林街市裝修之後多左條小食街，今日天氣好熱唔想煮飯，落樓下買左個2人餐幾抵食又大份。$120/2人餐，有2碗粉麵、3個小食、2杯飲品同2個甜品。。粉麵我地擇左「香茅豬排撈檬粉」同「豬頸肉湯河」，撈檬粉幾岩夏天食，大大份又涼涼地，加上越南酸汁好開胃，檬粉煮得岩岩好唔會太淋身，爽爽地咁。豬頸肉湯河湯底好唔錯，好香牛骨味，豬頸肉切得夠薄又整得幾惹味。。小食個人覺得好抵食🤣包3種小食，仲要份量咁多，我地擇左香茅豬排 2件、香茅雞翼 5隻、越式蝦餅 3件。樣樣都好食，香茅味惹味，尤其係蝦餅，仲食到啖啖蝦肉！。最搞笑係第一次食越南style甜品，椰香眉豆糯米粥同椰香糯米玉米粥，個人鍾意椰香糯米多啲，椰汁味重，雪凍食好解暑。。飲品仲可以擇凍野🙏🏻凍檸茶+凍檸檬西洋菜蜜。