一粥麵

營業中

休息中

一粥麵有得手機app預先落單好方便，平時都會預早少少係手機買定早餐，藍田站匯景商場出口旁邊就係，一到就攞得，通常早餐繁忙時間10分鐘內打包好，唔洗即場買完再企係度呆等，慳番啲時間。職員姐姐包裝得好穩陣，唔會容易倒瀉野飲/搞到啲盒油淋淋。早餐價錢屬正常快餐店價，份量都好充足，薑絲滑牛通粉幾好味👍🏻 我最鍾意佢選擇夠彈性，牛油多士可以轉蘿蔔糕。唯一覺得要改善嘅係牛油炒蛋實在太油，食哂成份炒蛋會好滯。