亞蘇爾 (形點) (已結業)

沒有晚市堂食，咁唯有食外賣，今日黎試下亞蘇爾先，外賣自取有七折，仲有汽水送。下午時段黎買，平日黎講餐廳都幾多人喎，幾乎滿座呢。等左十分鐘左右就有得拎了，拎上手熱辣辣㗎。可入微波爐嘅外賣盒，想環保一點，食完後都有洗番乾淨，自我感覺良好。有錫紙包裝個盒係焗飯黎，另一盒係意粉。屋企人點左呢個東望洋芝士鮮茄焗豬扒飯，葡國版本嘅焗豬扒飯，好香啊～豬扒有三塊，厚切！軟腍多汁，入口甘香，好好味！仲要多芝士勁正，個茄汁底酸酸甜甜好開胃，啲飯吸了汁都好好味啊～另外仲點左十月初五蝦子松露意大利麵，個名會諗起某電視劇。入面有好多菇菇，臘腸等，配料下得幾多。唔少得係大量蝦子，鹹鮮美味，個醬汁濃厚，完全包住啲意粉，呢碟都好好味呀～折完後一百蚊一個餐左右，唔算話好平，但最緊要屋企人食得開心嘛。