越華會 (已結業)

星期日唔想落街食又唔想煮飯，就叫左工人落去筲箕灣間越華會買野食啦。今次就想特別介紹幾樣好食嘅菜色。第一樣就係蒜香排骨。佢其實有少少似大家平時食嘅咕嚕肉，但佢嘅呢就無咁酸，反而甜味會多d，都幾開胃嫁！第二樣就係佢嘅口水雞啦。佢嘅口水雞就唔算話非常辣嘅，小妹可以接受倒嘅程度啦，但佢嘅汁就非常適合撈飯啦，如果有多更可留返嚟撈烏冬，十分好食！最後一樣就係佢嘅越華會炒飯啦。差唔多每次都會嗌嫁啦。飯上面有d乾嘅蒜片喺度啦，再加埋入面嘅原粒蝦真係一流，真心推介大家去嗌呢個飯。