煌苑

營業中

休息中

疫情期間幫襯過外賣，覺得幾好。端午節假期，家人不想外出，便親自叫外賣，我專登開車去買，與疫情那次叫的一樣，結果價錢貴了，服務差了。叫了個波士頓龍蝦🦞伊面，個廚房懶到只係開邊上盒就算，斬多幾件都懶。叫了個片皮鴨(成隻價錢)，見圖片就覺得無左一半咁，部長/經理親自check過才俾我，但返屋企後，醬汁用個膠袋入住，視覺衛生專業仲衰過大牌檔，並且，檢查才知沒有給我兩隻脾！要我打電話投訴！個經理話下次買嘢俾返我！我心諗，我做乜仲要幫襯你！現在你欠我，仲要我返轉頭攞，結果應承我今個星期日晚，補俾我。疫後，好多酒樓的服務態度和水平好參差，我買時候，例牌叉燒都要問來問去才知有幾多兩。真係要改善，否則唔會再考慮。