星‧68 (已結業)

經過見到有午市外賣自取。因為同事話食過呢間既飲茶點心覺得好味，我諗啲野食應該都會ok嗌左個佢餐牌上最貴既外賣海南雞飯，加埋膠袋要成69 蚊！！！番到公司，盒雞加啲「前菜」係凍既，係雪櫃入邊拎出黎既凍。我都知海南雞係唔會熱，但佢係凍冰冰果種，雞油係好似瓊住左總之好似係啲幾日前食淨既冷雞菜汁咁放入雪櫃之後賣俾人。🤯🤯😓😓啲雞當然係一啲都唔好味，覺得自己叫左個雞皮飯咁 ⋯⋯ 皮，全部都係皮，無肉雞。盒飯完全唔係海南雞飯果隻飯囉！！！無薑黃無香茅無雞油乜都無，就好係滴幾滴豉油整到啲飯有小小色咁就hea 你叫做海南雞飯。。。🥵🥵😡😡😡嘩成69 蚊，我應該直接去龍記買盒叉雞飯，好味一萬倍。