齊柏林熱狗店 (灣仔道) (已結業)

咁岩喺灣仔收工。所以就買外賣做dinner。試左澳式風情熱狗加薯條同粟米。番到屋企要用焗爐焗番熱隻熱狗同薯條。如果唔係啲芝士硬哂同啲薯條淋哂。熱狗腸見店員係炸完再放上爐煎。焗熱完條紐綸堡腸好香香草味同好juicy。菠蘿同千島醬好開胃。甜甜咸咸咁個味幾balance。薯條一定要記得request個醬分開上。茄汁mix千島醬邪惡得黎好有滿足感。😌 粟米相對失色左啲。見到店員放粟米入微波爐叮。有好香牛油味。不過就食落有啲乾同硬。