齊柏林熱狗店 (灣仔道) (已結業)

齊柏林都應該冇邊個唔識，大鄉里既我都係第2次食，第一次食原味感覺就麻麻，但今次食呢個火炙芝士辣肉醬熱狗就非常有驚喜，熱溶既芝士同辣肉醬再加上粗荷蘭腸，每一啖都非常滿足，當lunch食都好夠飽，好似我咁大鄉里未食過既都可以試下😂

齊柏林熱狗喺唔同地方都有分店，之前喺沙田分店都試過食。晏晝唔想食太飽，所以就食熱狗。今次見到佢一個芝士熱狗，見到全部都係芝士，好吸引，咁都好有興趣所以今次就食呢個啦。嗌熱狗嘅時候，店員會問你有冇興趣加錢要小食同埋飲品。不過今日唔係太想食太多嘢，所以就淨係單點熱狗就算，不過聽到其他顧客都話會加冰菠蘿所以都好吸引，下次可以試下再嗌。由於生意太好，所以都要等成15分鐘先有得食。拎到有得食嘅時候咬落去熱狗腸好脆口，而且芝士亦都做到拉絲嘅效果，十分好食，下次會再買呢個。

終於試到齊柏林既熱狗啦所有熱狗都係即叫即整今次試左澳式風情熱狗入面有菠蘿同沙律醬上面既片裝芝士用火槍燒溶左😋下午茶食返個就剛剛好#zeppelinhotdog

我係Openrice訂餐 收到通知有得拎 去到門口show No.俾職員睇 睇都唔睇清楚啲 一味叫人繼續等 職員就走哂入去扮睇唔到啲客 直至等左十分鐘後 先再出黎望下單號俾份餐我 其實根本一早就有得拎 態度勁差 hea住做咁 天時暑熱 32度 企係馬路邊 真係中暑咁 啲芝士同茄汁混埋一齊 仲多過薯條 唔脆又爛溶溶 好難食隻熱狗燒到黑晒邊 燶鬼哂 扣哂分 望到都唔吸引 味道得個膩字 完全唔好味之前幫襯開屯門果間 質素都幾好 可能因為特許經營 愈開愈多 管理同質素差左好多 唔會再幫襯 灣仔呢間真係做衰哂

👧🏻Wodafoodie in Wan Chai平日夜晚黎食，好彩無網上講到等30分鐘先買到，10分鐘內就即叫即製左熱狗俾我👍🏻👍🏻✨士林原味熱狗 $32我其實幾鍾意食原味，無咁多配料咁heavy，又可以食返熱狗最原始既味道，好鍾意佢個包有烘過，拎上手食仲係暖既，原味都有好多醬汁同芝士粉，食落真係比起ikea 幾蚊個滿足感大十倍😝🤘🏻😋❤️灣仔呢間地舖好細，如果遲d擴充到有得堂食就好啦。📍 齊柏林熱狗店 (灣仔道) (灣仔)灣仔灣仔道121號地下A號舖

建議： 留意下店舖海報，分分鐘會發現到唔同既優惠，仲可能有限定新口味 行經灣仔道想食熱狗，買完齊柏林🌭仲可以去埋斜對面買茶星人🤭今次試左：套餐 +HK$12 (4選2 小食/飲品)，再加 HK$5 加大套餐薯條 🍟▫️田園風情 (HK$30)(蕃茄、洋蔥、青瓜、千島醬、蛋黃醬、維也納腸)▪️澳式風情 (HK$38) (芝士、煙肉、菠蘿、千島醬、紐綸堡腸)兩款熱狗超多醬，食個時小心🤣 如果想食有芝士既朋友仔，可以試芝味熱狗， 之前試過真係好爆芝，但就真係要襯熱食。啲芝士凍左，會變左一大舊，可能會影響口感。但如果驚太多🧀會膩，不如試下 澳式風情，都係好多芝士，而且仲係用火槍烘烤過，有陣焦香味🌭入面仲有菠蘿粒，酸酸甜甜。另外如果鍾意清新口味，可以揀田園風情 會比較岩食🤭 蕃茄加大量青瓜絲，食完都唔太膩。

之前已經食過一次黃到金💛💛嘅齊柏林熱狗店，今次再嚟呢間灣仔分店就試咗佢最招牌嘅火炙芝士辣肉醬熱狗，加$12就可以轉套餐，可以揀2款小食／飲品，午餐嚟講抵食又飽肚。火炙芝士辣肉醬熱狗（芝士、辣肉醬、生洋蔥、黃芥末、荷蘭腸）（+牛油粟米及冰菠蘿）齋睇啲配料都覺得豐富😻，呢一款嘅芝士係用大量芝士碎🧀灑上面，食個陣芝士溶溶地都幾正，好鍾意入面嘅辣肉醬加生洋蔥加黃芥末嘅配搭，3種唔同辣味夾埋一齊，有3種層次，微辣又惹味，個包都幾鬆軟，加埋有牛油同香草香味嘅粟米同冰菠蘿就係一個少少邪惡又滿足嘅一餐喇～🥰🥰人均消費：$40推介指數（10分為滿分）：8.5分

成日見到依間人氣熱狗店Zeppelin已經開左好多分店 今次終於可以一試啦😋同同事一齊叫左佢既熱門 LZ120火焰芝士辣肉醬熱狗🌭️$42 同埋試試佢既冬日新品 LZ135 墨西哥勁辣雞堡$40 再加2個小食 炸魚薯條$28 芝士煙肉薯條$26 同埋2塊薯餅雖然係要啲時間等 但即叫即整係值得架～4個人食岩岩好 好滿足呀😌

呢個禮拜返番公司，所以就響灣仔搵吓啲好嘢食。其實都見到Zeppelin有好多間分店，灣仔道呢間近所以買返公司試吓。其實佢都有幾多款熱狗選擇，今次我揀嘅就係澳式風情熱狗，因為我都好鍾意食芝士、菠蘿加千島醬。因為太肚餓關係，所以就加多左薯條，都有幾隻口味: 芝士、芝士煙肉、芝士辣肉醬，而我就揀最後嗰隻貪佢重口味😝雖然等咗大約8至10分鐘先整好，但係都值得嘅，因為係即叫即整好新鮮又熱辣辣！個熱狗好Juicy，我好喜歡佢上面個火焰芝士味好出！分量對我來講啱啱好，仲有位可以食埋個芝士辣肉醬薯條。不過啲薯條上的芝士就比較硬身，但係嗰醬好惹味，我覺得可以再辣啲😝價錢相當合理，成為左我返工買外賣嘅好選擇！

屋企人出咗去食飯又要食自己今次又用openrice 嘅外賣自取app唔洗10分鐘已經拎得真係超方便今次叫咗澳式風情熱狗套餐 $50去買埋嘢先拎到返屋企都仲好暖一路行都聞到佢嘅香味d芝士燒到好香個醬調得啱啱好成件事好夾條腸又juicy一隻已經夠飽薯條 (套餐包)可能因為我唔太鍾意食茄汁覺得個茄汁好酸如果第時有得揀醬就好啦薯條都炸得好脆粟米 (套餐包)粟米有小小粉唔夠牛油味呢點要改善so far.. 如果唔要套餐淨係一隻熱狗包只係$38以而家市道來講$38一隻熱狗真係好抵食

Lunch Hour經開灣仔，終於可以順手買個外賣返公司食。為左慳返等外賣時間，半個鐘前係OpenRice落定單。去到舖頭門口果然大排長龍，依為自己好醒，可以等一陣就pickup到。點知望到人地D單，發現好唔對路，我係11號，隔離1號都總係到等緊。其間我前面嘅單不斷追問，店員就話好快有，話爭乜爭乜，收銀條隊又越排越長。咁我又追問下，就話爭個薯條。lunch hour都預左要等一陣，當pickup前15分鐘餐廳開始整計起，我用超過40分鐘先可拎到一隻熱狗，一份薯條同一罐汽水，等嘅時間足足係食嘅三倍，唔知依為自己買左九大簋。我食嘅係快餐，唔係fine dinner。隻熱狗同薯條又分開整，食得黎隻熱狗已經凍左，超難食。成個等候過程，我都望住舖頭3個店員做野，整野食既方法極度需要改進，好似係落左幾多張單就煮幾多條腸。係，即叫即做，但lunch hour客量多可以一次過煮多少少，賣得切都算即叫即做。同埋收銀每次收錢都講句要等15-20分鐘，我係隔離聽到真係冷笑左一聲，起碼我等左兩倍時間。如果接唔切單，其他平台既單就暫停一下，搞到訂左嘅人呆等，去舖頭排隊嘅又呆排，正常打工仔嘅食飯時間得60分鐘，咁

好可愛的熱狗🥰這一隻「美國洋蔥圈熱狗 」（$36），覺得洋蔥圈＋法蘭克福腸，依個配搭幾得意。餡料用咗好幾個洋蔥圈套入法蘭克福腸入面😍😍😍再淋上特式燒烤醬同芝士粉～洋蔥圈脆脆又香口🤤 如果個熱狗包軟熟一D會更好～加少少錢仲有埋罐裝嘢飲同小食（＋$12），小食我點咗冰菠蘿，真係雪到一塊冰咁，有陣甜美嘅涼快感👍🏼 依間分店主力外賣。

呢間齊柏林熱狗店憑著多款口味既熱狗打響名堂，係疫情之下都迅速係全港18區開分店（好似差離島lol）一直都未有機會試到，今次終於輪到我喇！發現咗openrice可以外賣自取，不過lunch time一定要及早order，因為真係好多人懲罰，就算openrice order咗去到都要等一段時間。LZ127 芝味熱狗（三重熱溶芝士、粟米、蛋黃醬、法蘭克福腸 | 香腸含有豬牛成份）個包外賣拎到返去既時候已經有啲濕咗，質感偏腍少少，不過咬落尚算鬆軟，味道甜甜地，因為醬汁係用上原塊芝士🧀並非芝士醬，所以返到去啲芝士已經凝咗，芝士味都唔算好濃，不過食到咁多芝士都唔錯，入面個腸都係正正常常。原本因為之前未食過所以對佢有好大期望，試過之後就覺得一般，唔算得上係一個出色既熱狗，不過偶爾想食熱狗嘅話都還可以👌🏻👌🏻牛油粟米、冰菠蘿套餐可以揀兩款小食，不過套餐入面既薯條就唔係signature有唔同醬汁個隻，係plain既薯條，所以我就揀咗另外既粟米同踩單車必食既冰菠蘿🤣🤣粟米份量都幾多，入面有好多牛油，牛油味好香。人均消費：$50推介指數（10分為滿分）：7分

呢間熱狗店應該冇乜香港人唔識黃到出晒名💛而家仲開到基本上18區都有佢嘅分店去過灣仔同旺角2間基本上都要排隊有得先去OpenRice落咗單自己揀時間再嚟拎外賣見佢一共有8款，今次先嚟2款做個PK賽💥如果反應好就試晒咁多款同大家分享吓🤗.📍澳洲風情熱狗（$38）Aussie Dog🇦🇺上網見到好多人都叫呢款材料有菠蘿、芝士、煙肉、千島醬同紐倫堡腸食落係預期中嘅味道， Juicy而且幾香口😋咩都係幾溫和，不過未能令人有wow😳(即係好驚喜）嘅感覺.📍 德國酸菜熱狗（$38）German Pickled Cabbage Dog🇩🇪 呢款以冇乜期待嘅心態去食反而好有驚喜😍材料有德國酸菜、甜酸瓜、煙肉、黃芥末、茄汁、紐倫堡腸中間嘅酸菜好突出，食落味道好刺激💥而且配埋酸菜同酸瓜食成個感覺冇咁膩食落熱狗同樣好Juicy而且令人有不斷想再食嘅感覺😝草根覺得呢款完勝🤟🏻，推薦比大家試吓❤️.

中午去灣仔辦事，無時間食lunch 就買了一個hotdog grab and go. 田園味熱狗$29，有蔬菜toppings 感覺更清新健康。有一大堆沙律醬，所以keep 到濕潤感。麵包及熱狗腸都是即叫即煮的，所以食得出好暖、有温度。