鴻星中菜 (已結業)

中秋做節, 哥哥0係鴻星買左個外賣盤菜...我心諗...唔係呀嘛? 一向都認為外賣盤菜好難食...哥哥拎返黎既時候, 超大個袋...好大個煲呢!仲有一大枝鮑魚汁...同埋一盒芋絲同白蘿蔔煲好左, 一人分到一隻鮑魚...點解我0個隻係超細碼? T_T 慘另外0個几隻都差唔多size, 點解我0個隻特別細...但係味道唔錯...食食下發現停唔到口...鮑魚汁唔咸, 好好味...芋絲, 白蘿蔔, 冬菇, 好好味...最正係食到一半, 爸爸成煲拎入廚房加生菜...生菜+鮑魚汁...正!!! 其他燒鴨, 雞, 豬手0個d 都唔錯...喜出望外!但係蠔屎好少囉... 媽媽話佢一隻都無食過... :-/