新堡餐廳

營業中

休息中

幫趁咗無數次外賣焗豬。味道好過一哥二哥嗰啲。份量適中。首先應返個題人間有情。話說有次銀包一個仙都無。可能用開八達通簽咭無違意。然後叫咗焗豬拎得諗住比錢之際。無現金。佢又只收現金。所以我話放低個飯去撳機先。個外賣姐姐竟然話唔使。下次再幫趁先比返。可能依個係少少舉動。但令我感覺到有一絲溫暖豬扒飯個汁好味。詞窮無乜字可以形容。有一patpat嘅芝士喺面。亦都食得出芝士味。有啲得個樣。豬扒唔會好鞋肥瘦適中。都好夠焾。份量也很足夠。啲汁都好多。每啖飯都可以有汁。配一杯正常飲品。總結係快靚正。一手交錢。一手收飯。條街咁熱唔使等。