韓家韓國料理 (已結業)

話說尋日諗住食韓國野，屋企附近有2家，諗住韓家好耐之前食過都ok就再食。7點08分打電話嗌外賣，問埋店員要20分鐘先有得囉。甘ok la，我等20分鐘落去囉，去到未有都唔緊要，我去第二度再買小食甘，番到黎都30分鐘啦。店員話未有，跟住再同我講因為打黎個時鋪頭無甘多客，依家有幾枱客所以紫菜包飯未整好，跟住同我講紫菜包飯要15分鐘，笑左，包咩要包15分鐘，同埋多左幾枱客外賣既客唔洗理？我同佢講如果無甘你退錢啦， 我等左30分鐘，然後入面有個店員大大聲話等多10分鐘就1個鐘，態度差到呢，如果一個外賣要等45分鐘除非你真係好好食啦但你間鋪真係唔好食，同埋1個外賣等20分鐘先係正常，45分鐘就執得啦！等多幾分鐘紫菜包飯又有啦咼，但凍咖咼，甘憑咩要人等15分鐘。另外，蜜糖芝士粉炸雞有陣「縮」味，雞又有陣酥味，難食到嘔，真心永不幫襯！