銘興山西刀削麵 (黃埔新邨) (已結業)

今日見可以喺app外賣自取，就諗住試吓。平時太多人排長龍，都無入去食過。我叫咗兩樣嘢，一碗麵同一份醉雞，拎走嗰陣見到個袋入面有一碗同一盒，於是就拎走。返到屋企，拆開先發覺嗰盒嘢原來係豬軟骨嚟，冇咗盒醉雞（醉雞貴過碗麵少少）。再望吓張電腦飛，淨係打咗豬軟骨刀削麵，下面就被搣走咗。已經唔係人手，用app落單啦喎，張單唔係直接print出嚟嘅咩？同埋叫得嗰兩樣嘢，都可以Miss咗一樣？即係得50%準確。我好彩，住得近，麻煩極都可以落多去一轉，住得遠會忟爆。繁忙時間人太多，做唔切，不如考慮暫時Off左個外賣自取Mode，唔好接單。要求落單正確應該都係好基本掛，咁都達唔到，真係好難介紹呢間食店俾朋友。唔care任何服務質素嘅人除外。