Ocio (積存街) (已結業)

未試過，今日search下，先發現有呢間餐廳，咁就試吓外賣自取，都幾方便，叫咗三個意粉同埋一個小食拼盤，唔算貴，20分鐘後返到屋企，啲食物尚算熱，咁就同埋媽媽一齊試吓啦，估唔到效果幾好，應該係話性價比相當之高，我叫咗一個松露卡邦尼意粉，一個係雞扒意粉、一個係牛粒炒寬條麵，估唔到三個意粉都好夠味，連掩尖嘅媽媽都覺得幾好，會再幫襯嘅。美中不足嘅係，外賣選擇唔算多，而且唔知可唔可以自己電話直接落order而唔經OpenRice，當然送埋嘅嘢飲就更加好😅。