麥金.麥金馬來西亞特式茶啡室 (已結業)

今日叫咗外賣自取，一個辣椒板面，點之前問左個服務員有咩餸，就話有啲肉碎啊蛋啊咁樣，以前試過招牌老鼠粉，味道唔錯，我估辣椒板面都差唔多掛。呢度外賣要加$4係外賣盒，如果要加凍飲，就要再加多$5，好唔化算，最後叫咗杯熱檸水，咁就總共係$62辣椒板面味道都唔錯，有啲辣椒粉，魚乾，花生，肉碎，同埋蛋，仲有少少豉油味。但其實冇我想像中咁重辣味，啲嘢加埋都算濃味，有啲似食緊撈麵咁，係個面份量唔多，細細盒咁啦。總括嚟講，外賣性價比唔高，味道仲可以。