一豚豬手專門店 (永德大廈) (已結業)

一豚豬手專門店係港九新界都可以搵到佢嘅蹤影，叫得豬手專門店最聞名嘅必定係豬手，望住一隻隻大大隻係玻璃櫃內嘅豬手都流哂口水🤤，即叫即起肉，絕無花假😳想除咗豬手外，其實都仲有其他選擇嘅，例如鴨胸、牛𦟌等等，絕對係加餸時候嘅好選擇小妹今次就揀咗招牌黑椒豬手同大阪豬腩卷，前者豬手皮清潔得好乾淨，完全無豬毛，肥瘦比例剛好，豬手皮煙煙韌韌好有咬口，黑椒味好夠味👍🏻而且已經去骨起肉，食起上嚟好方便👍🏻大阪豬腩卷就似港式燒腩仔嘅變奏版，佢係將五花腩肉捲成豬腩卷再去烤炸，店員會幫忙切成薄片，每一片就好似木紋嘅年輪咁，最外層係香脆嘅豬皮，然後係層層分明嘅腩肉😋食落上嚟好似好邪惡咗咁，但又出奇地唔算太油膩，如果配埋啤酒就更加好