炉端金 (已結業)

六點後嗌外賣，等咗大概唔使半個鐘就攞得。四個人嗌咗兩樣主食、一份定食、一份刺身組合、一份壽司組合，再加一份卷物同埋小食。分量算好多，都係勉強先食得晒，四個大食嘅人應該都食得飽。而且外賣仲有全部菜品八折，十分抵食。-牛油果軟殼蟹卷🥑一份有四件，係幾大件，味道同其他餐廳差唔多，冇話特別出色。-刺身組合A🍱個帶子同甜蝦係幾鮮甜嘅，仲有埋三文魚腩同魷魚之類，整體質素唔錯。-日式豬軟骨烏冬🍜外賣食都仲保到温，烏冬入口順滑有咬口，豬軟骨略嫌有啲柴，味道唔錯。-紫芯香芋丸🍡幾出色，值得一試。香糯，出面炸衣薄薄地又脆啱啱好。-鰻魚炒飯🍚味道係正常，個飯都幾濕潤，鰻魚唔會太老。-雜錦天婦羅定食🍤有南瓜、茄子、炸蝦、秋葵、冬菇，可能因為外賣攞到返去有啲濕，整體一般。-壽司組合B🍣質素中等，冇咩特別，但壽司都係鮮甜嘅。-整體來講，外賣質素算幾好，有機會可以試吓堂食。