菊一巷 (已結業)

每次食呢間都係叫外賣。位置係後巷，環境衛生OK既，係門口等外賣都唔會覺得唔舒服。我多數都係食日式咖喱吉列豬扒飯，佢最勁係拎到返公司都仲係脆，好正。吉列豬扒肉質鬆軟，唔係好肥果隻，厚薄適中。佢雖然係炸既，炸得香脆，炸粉唔厚唔薄，岩岩好。咖喱汁，香同唔辣，唔食得辣既都可以食到。飯方面，佢既米係用日本米，粒粒彈牙煙韌。呢個飯各方面都好出色，而且只係$64，真係值得推薦。呢度都有得儲印仔，每買滿十次就送一個飯。