金記冰室 (黃大仙中心南館) (裝修中)

呢一晚想返媽咪屋企探下兩隻貓咪，既然阿媽又唔想煮我哋又因為疫情唔係好想出街食嘢就一於揀外賣啦，喺黃大仙轉車就順路喺嗰度搵吓有啲咩好嘅餐廳可以外賣，見到呢一間禁忌冰室門口裝修得幾有味道，見餐牌價錢有幾抵食就一於試吓囉，我哋叫咗三個小菜，有叉燒炒蛋，菜心炒牛肉，仲叫咗隻霸王雞，雞嘅肉質都幾滑份量有幾多，媽媽爸爸都話幾好味，叉燒炒蛋啱晒我食我細佬食啦送飯一流，至於菜心炒牛肉唔知點解我自己永遠都差唔到出邊咁有鑊氣,整體來講都係一間推介嘅餐廳呀！