川辣仔烤魚雞煲

營業中

休息中

喜歡食雞煲既我，之前同朋友在屋企附近食過一次之後，又發現原來馬鞍山仲有另一間可以雞煲打邊爐，但基於宜家無得晚市堂食，就唯有買個外賣雞煲，然後自己買其他嘢打邊爐！呢間鋪位於村屋裡面，都近馬鐵站唔會難揾，雞煲有辣和唔辣，由於預埋小朋友食所以揀咗唔辣的「醬香雞鍋」，半隻雞$168價錢合理，即叫即整，都唔使等好耐，就pack好盒比我！佢知道我會打邊爐仲送埋兜湯比我用，非常貼心！店員叫我回到家倒落鍋煮多2分鐘，我相信係為咗避免煮熟哂d雞之後等到食嗰下就over咗，跟指引做果然無錯，d雞剛剛好，而且醬香味真係超香呀！半隻雞的份量都不少，還有洋蔥、蒜頭、芫荽等配料，味道好夠，所以食完啲雞即刻到埋個湯底落嚟，就可以打邊爐啦，十分方便！個湯底白白地色，估計係豬骨湯。