School Food (已結業)

情人節買外賣同我家小情人共享！佢落單要食韓式飯卷，先打電話問做唔做外賣，佢哋好親切話做，不過一定要到店落單，唔可以打電話，去到門口排滿等位嘅人，我落好單店員報告要20分鐘，我攞單行去買其他食物，返去時食物已經包好袋好，個花花紙袋幾靚，好企理咁比我！回到家打開，紙盒包裝，賣相幾靚韓小姐（$60）蛋皮包飯卷，唔會好粗，蛋皮唔老，蛋味香，紅色嘅飯連泡菜，味道幾辣，肥髀食唔到，飯鬆軟，泡菜爽口！好味烏卒卒（$75）肥髀至愛，唔粗卷，飯鬆軟，魷魚碎彈牙，墨魚汁香，簡單好味！門口女店員有禮，佢態度親切，落單時有比意見，加分飯卷外賣都好味！