都會坊餐廳 (已結業)

今日又凍又落住雨，真係未試過痛得咁緊要，咁咪諗住落去買外賣返公司食，快快脆脆，下原來公司附近有間都會坊，見過餐牌有八款快餐，都好平下，有啲仲係焗飯焗意粉添，仲有兩個貴價啲嘅中式飯餐，加埋嘢飲都唔使$30 ，咁就同同事一人一個帶咗兩個外賣返公司食。都幾多人叫外賣，我哋去就已經有一對人喺度，當我哋走仲有一堆人等緊，但係我哋俾錢都攞到外賣只係5分鐘之內，仲包埋飲品。焗飯就正常size，另外帶咗個和風牛肉飯，都夠食嘅，最緊要係平靚正，我諗呢個禮拜都會日日落去試吓啲嘢食㗎喇。