影片
更多
2020-10-15
902 瀏覽
🇭🇰Lobby Lounge·我哋又試外賣tea set啦😈😈今次見到conrad呢個tea set做緊75折 就買左返黎試下 佢折完之後$418兩個人 都唔錯😏佢個包裝真係好靚 而且仲有一隻熊啤啤送比你 都幾有心思🐻但係因為我屋企下午茶嘅時間個窗背光 所以啲嘢食影出嚟有少少濛 我哋又趕住食喎 所以就唯有濛住咁樣照post啦🙊🙊·Finger Sandwiches佢啲三文治都幾好食 佢首先係有一個煙三文魚嘅三文治 個煙三文魚鹹度好適中 而且佢上面好似有少少魚蓉咁樣 口感唔錯😎之後就係青瓜cream cheese既配搭 呢個清清地 夾係中間都唔錯🥒最後就係ham & cheese佢個ham好夠鹹香 而且個cheese都好濃🧀·Savouries首先佢就有一個黑松露嘅炸米波 佢呢一個我哋就覺得麻麻地啦 因為佢係炸既 所以攞到返屋企其實佢已經凍哂 有少少出油 而且佢個餡好實 麻麻哋🙊之後仲有佢好出名嘅蛋撻 佢個曲奇皮好香嘅 個蛋都幾滑 不過就冇好特別🤭最後就係一個蘑菇酥皮塔 呢一個就唔錯啦 佢個酥皮仲係好脆嘅 雖然有少少un左 但係佢中間嗰個蘑菇調味做得好好 好似蘑菇濃湯咁🍄佢仲有配一塊曲奇
·
我哋又試外賣tea set啦😈😈今次見到conrad呢個tea set做緊75折 就買左返黎試下 佢折完之後$418兩個人 都唔錯😏佢個包裝真係好靚 而且仲有一隻熊啤啤送比你 都幾有心思🐻但係因為我屋企下午茶嘅時間個窗背光 所以啲嘢食影出嚟有少少濛 我哋又趕住食喎 所以就唯有濛住咁樣照post啦🙊🙊
afternoon tea set
$418
29 瀏覽
0 讚好
0 留言
·
Finger Sandwiches
佢啲三文治都幾好食 佢首先係有一個煙三文魚嘅三文治 個煙三文魚鹹度好適中 而且佢上面好似有少少魚蓉咁樣 口感唔錯😎之後就係青瓜cream cheese既配搭 呢個清清地 夾係中間都唔錯🥒最後就係ham & cheese佢個ham好夠鹹香 而且個cheese都好濃🧀
·
Savouries
首先佢就有一個黑松露嘅炸米波 佢呢一個我哋就覺得麻麻地啦 因為佢係炸既 所以攞到返屋企其實佢已經凍哂 有少少出油 而且佢個餡好實 麻麻哋🙊之後仲有佢好出名嘅蛋撻 佢個曲奇皮好香嘅 個蛋都幾滑 不過就冇好特別🤭最後就係一個蘑菇酥皮塔 呢一個就唔錯啦 佢個酥皮仲係好脆嘅 雖然有少少un左 但係佢中間嗰個蘑菇調味做得好好 好似蘑菇濃湯咁🍄佢仲有配一塊曲奇仔 個牛油味都幾重 但係就偏甜咗少少🧈
·
Scones
呢個就有啲失望啦😭佢個scones係比較實既 而且偏乾 牛油味都唔係好重 所以真係麻麻哋 我自己覺得佢raisin個個好味啲 因為酸酸地 好似多少少口感咁😂不過佢就好貼心咁樣配左4樽clotted cream同埋果醬 佢個clotted cream就正正常常啦 個士多啤梨果果醬我就覺得甜咗少少🍓
·
Confections
佢今次啲甜點都係以朱古力為主嘅 首先就有一個朱古力cake 佢上面啲白朱古力都幾好味嘅 而且朱古力味好濃 係偏甜少少🍫之後就有個黑森林朱古力mousse 佢個mousse本身唔錯嘅 不過佢上邊嗰粒車厘子浸完酒就好藥水🙊🍒另外就有個raspberry開心果撻 呢個都ok既 但係個raspberry好似搶咗開心果個味咁 變左好似果撻咁🤣最後仲有一個tiramisu 我男朋友話幾好食 係爭咁啲酒味 我自己就覺得佢有啲太濃咖啡味 冇咁易入口 我自己麻麻哋🤭
·
佢今次呢一個茶包就係用Tea WG嘅 都OK啦 正正常常咁 不過我都係鍾意上次Grand Hyatt嗰個JING嘅茶包多啲 嗰個earl grey茶包真係無得輸😍😌😌
·
#rbyeat
#rby西餐
#rby金鐘
·
📍金鐘金鐘道88號太古廣場港麗酒店大堂
張貼
