有情有意 (已結業)

平日除左去紅館睇演唱會 都甚少會到紅磡火車站附近 更莫說去覓食 上星期機緣巧合下同小胖男友去左紅磡 順便係火車站對面既商場搵食醫肚入到去坐定定先發現呢間原來係一間社企餐廳 有部分員工都係聾健人士 所以餐枱上除左有"點餐"同"結帳"既牌仔 枱墊上亦列左一d簡單既圖案同用餐手語方便食客同聾健服務員溝通講返食物 兩口子點左兩個set dinner share一個美國安格斯肉眼扒 一個煙三文魚白酒忌廉汁扁意粉餐湯又係近期大熱既南瓜忌廉湯美國安格斯肉眼扒 5成熟剛好 唔會太生有血水 但略嫌薯條唔夠多飛魚籽煙三文魚白酒忌廉汁扁意粉 有大大朵由煙三文魚砌成既玫瑰花 賞心悅目 亦好足料係繁忙既都市中 兩個人放工後能夠靜靜地享用一餐簡單既晚餐 讓一天既辛勞得以放鬆