影片
更多
2018-10-04
267 瀏覽
彌敦道始創至旺角道中間呢個位置，有幢726 大廈，有好多唔同食肆我已經食過好幾次，今次反而試o左呢間o係佢前一兩個大廈位o既唐樓o既新開樓上鋪，因為見佢promote 緊新開張9 折！間餐廳接近café o既設計，其中近窗o個邊o既座椅有住新式tatami，可以俾人跪坐都得，同埋有set drum set 同電子琴擺o左一角，可能某d 日子有live band 都唔定。而家電子點餐已經慢慢普及，去麥x 勞或者kfx 都可以用app 點餐。而呢間餐廳原來都得，而且仲唔使另裝特定app，只需有wechat，scan 一scan 餐廳個QR code，就會出現點餐介面，好似平時咁督督督就得。如果選擇使用呢個system，就會再額外95 折！去食西餐，main dish 以外通常就係湯、麵包、餐茶咁，而呢間餐廳仲有可以自己選擇唔同款式o既salad、小食、甜品even welcome drink，真正做到multi-courses，十分認真。Welcome drink 係一款鮮果沙冰，冰凍而細細o既一杯，有住好fresh o既芒果味。餐湯揀o左南瓜濃湯，加上o左忌廉，味道香濃。沙律有3 款，點
而家電子點餐已經慢慢普及，去麥x 勞或者kfx 都可以用app 點餐。而呢間餐廳原來都得，而且仲唔使另裝特定app，只需有wechat，scan 一scan 餐廳個QR code，就會出現點餐介面，好似平時咁督督督就得。如果選擇使用呢個system，就會再額外95 折！
去食西餐，main dish 以外通常就係湯、麵包、餐茶咁，而呢間餐廳仲有可以自己選擇唔同款式o既salad、小食、甜品even welcome drink，真正做到multi-courses，十分認真。Welcome drink 係一款鮮果沙冰，冰凍而細細o既一杯，有住好fresh o既芒果味。餐湯揀o左南瓜濃湯，加上o左忌廉，味道香濃。
鮮果沙冰
14 瀏覽
0 讚好
0 留言
沙律有3 款，點o左日式麻醬蟹柳沙律，如果當係side dish o黎講算係好大份，同埋我鍾意佢d 胡麻醬份量適中，出面食通常都係flooding 咁。仲有蒜蓉包同埋小食，o係5 款小食入面叫o左雙色水欖芝士配黑醋汁，酸酸甜甜，開胃之選。
我點o既主菜慢煮安格斯牛柳6oz (跟餐$258 唔使加一)，係厚身一整舊牛肉！無乜肥膏，啖啖肉，內裡肉質鬆軟唔韌，令人食指大動~ 呢個主菜仲再跟薯菜焗薯粉麵，好在叫o左個墨魚汁冷麵凍凍地易入口，如果揀o左肉醬意粉，可能飽到要打包……
慢煮安格斯牛柳6oz、墨魚汁冷麵 (跟餐$258)
13 瀏覽
0 讚好
0 留言
餐飲好簡單叫o左杯凍是日餐飲水果茶，係綠茶底，飲得出應該加o左最少橙汁同芒果汁，另外附上青檸，加埋層次感就更豐富啦。跟餐甜品係北海道奶凍，不過我對另一款D24 榴槤慕絲蛋糕有興趣多d，所以改o左(加$25，單叫$38)。果然無揀錯，真係好好味，下面係啫喱，上面係濃滑榴槤mousse，而且內裡仲有粒榴槤肉，店員話係金枕頭來的，好正呀！
凍是日餐飲水果茶
13 瀏覽
0 讚好
0 留言
D24 榴槤慕絲蛋糕 (加$25)
26 瀏覽
0 讚好
0 留言
張貼
