影片
更多
2023-02-09
1552 瀏覽
好耐冇嚟朗豪坊，行完之後去4樓food court搵嘢食。見到呢間十十川滬料理，俾個名吸入左入去試一試。店內裝修光猛，空間尚算寬敞，坐得舒服。餐牌選擇多，有多種上海菜同四川菜食品選擇。由於唔想諗嘅關係，就叫咗一個乾鍋二人餐，有酸辣小木耳、涼拌萵筍絲、雜錦小籠包、清炒萵筍絲、乾雞窩、青蘋果梳打同埋一杯芒果百香果梳打。首先嚟嘅係兩味前菜：酸辣小木耳同埋涼拌萵筍絲。木耳酸度剛好，開胃一流。萵筍絲充滿麻油味，十分爽甜。跟住係雜錦小籠包。有四隻顏色，唔代表四隻唔同口味嘅小籠包。原味小籠包肉汁鮮甜，豬肉甘香。綠色嘅係酸菜魚小籠包，的確有食酸菜魚嘅感覺，係比較新鮮嘅體驗。紅色嘅係酸辣小籠包， 餡料有加咗蕃茄嘅豬肉，食落開胃。仲有就係金黃流沙小籠包，肉湯的鹹蛋黃既香味。跟住嚟嘅係清炒萵筍絲。上枱熱辣辣，加上麻油同埋菇類，好食到唔停得口。重頭戲就係乾雞喎。嚟嘅時候真係嚇一跳，首先係份量好多，除咗雞件外，仲有蓮藕片、薯粉、辣椒、波浪薯條同埋萵筍件等等。叫咗走麻，雞件入味，就算雞胸都好滑。蓮藕片同埋薯條朔晒辣汁，食落好過癮，而整個鍋辣度剛剛好。食辣嘢嘅同時，老婆就飲一杯青蘋果梳打，淡淡的蘋果味加上多氣嘅梳打
好耐冇嚟朗豪坊，行完之後去4樓food court搵嘢食。見到呢間十十川滬料理，俾個名吸入左入去試一試。
店內裝修光猛，空間尚算寬敞，坐得舒服。
餐牌選擇多，有多種上海菜同四川菜食品選擇。
由於唔想諗嘅關係，就叫咗一個乾鍋二人餐，有酸辣小木耳、涼拌萵筍絲、雜錦小籠包、清炒萵筍絲、乾雞窩、青蘋果梳打同埋一杯芒果百香果梳打。
首先嚟嘅係兩味前菜：酸辣小木耳同埋涼拌萵筍絲。木耳酸度剛好，開胃一流。萵筍絲充滿麻油味，十分爽甜。
跟住係雜錦小籠包。有四隻顏色，唔代表四隻唔同口味嘅小籠包。原味小籠包肉汁鮮甜，豬肉甘香。綠色嘅係酸菜魚小籠包，的確有食酸菜魚嘅感覺，係比較新鮮嘅體驗。紅色嘅係酸辣小籠包， 餡料有加咗蕃茄嘅豬肉，食落開胃。仲有就係金黃流沙小籠包，肉湯的鹹蛋黃既香味。
跟住嚟嘅係清炒萵筍絲。上枱熱辣辣，加上麻油同埋菇類，好食到唔停得口。
重頭戲就係乾雞喎。嚟嘅時候真係嚇一跳，首先係份量好多，除咗雞件外，仲有蓮藕片、薯粉、辣椒、波浪薯條同埋萵筍件等等。叫咗走麻，雞件入味，就算雞胸都好滑。蓮藕片同埋薯條朔晒辣汁，食落好過癮，而整個鍋辣度剛剛好。
食辣嘢嘅同時，老婆就飲一杯青蘋果梳打，淡淡的蘋果味加上多氣嘅梳打，解辣一流。我就飲芒果百香果梳打，唔會太甜得黎又多汽，為整餐飯畫上完美句號。
最後埋單五百幾，以呢個價錢食到嘅嘢來講都算經濟，加上味道唔錯，應該會再嚟。
張貼
