知粥嘗樂 (已結業)

香港嘅粥店越嚟越少，相信係因為香港嘅天氣越嚟越熱，令粥店嘅生存空間收窄。至於呢間位於炮台山嘅知粥嘗樂，除咗售賣粥品、油器、腸粉同炒麵等食物之外，老闆仲加入埋石燒系列，令傳統粥店嘅選擇更多元化，夏天都有唔少開胃選擇啦！生滾及弟粥好多鍾意食粥嘅人，包括M佬都話：「識食一定係食及弟粥啦！」生滾及弟粥即叫即整，夠晒新鮮熱辣，至於配料就有肉片、肉丸、豬潤同粉腸，豬膶彈牙香口，煲出嚟嘅粥底綿密又鮮甜！XO醬石鍋炒腸粉食粥又點少得配上腸粉呢？餐廳配合近期推出嘅石鍋系列，連XO醬炒腸粉都用上石鍋盛載，除咗濃郁嘅XO醬香味，仲多咗一陣焦香味添！腸粉滑嘟嘟，但都唔可以錯過墊底嘅芽菜，索晒XO醬嘅精華！三杯雞石燒鍋配白飯除咗石鍋腸粉，中式嘅小菜都用上石鍋，上枱嘅時候仲有勁吸引嘅滋滋聲。小菜份量十足，而雞肉非常嫩滑。因為三杯雞用嘅香料好多，包括乾蔥、洋蔥同九層塔等，所以味道好有層次，用嚟送飯一流。火山石燒美國特級牛柳配白飯及沙律除咗粥品同中式小菜，餐廳更特別引入石板燒，令傳統嘅中式食店不再古板。牛柳喺廚房煮到微熟，就會放上熱石板，上枱嘅時候先切開牛扒，再靠石板嘅熱力燒到你喜歡嘅熟度！牛柳嫩滑，肉味香濃，加上自