千賀水產の鮮鍋道場 (已結業)

$298再加一嘅價錢，係銅鑼灣區算可以接受嘅價錢。入座後叫左個韓風人蔘雞鍋之後，就會跟一個海鮮盛合，海鲜有脆肉鯇魚片、蜆、鮑魚、蝦、帶子，除有兩隻蜆有少少沙之外，全部都好新鮮。極上安格斯牛小排，有牛香，而且好淋，唔錯。刺身兩人分量就比較少，刺身幾新鮮，雙目海鮮滑，幾彈牙幾好食。疏菜吧有好多疏菜選擇，我選擇左萵筍、秋葵、雞髀菇、苦瓜、山根，選擇嘅疏菜食落都好嫩，一啲都唔老沙津吧！小食吧！壽司吧！沙津開胃，麻辣雞煲就唔夠野味，蒸魚幾滑，辣酒煮花螺就麻麻地，因為食落唔係好新鮮，有兩隻臭臭地，而且食落有啲滑潺潺壽司OK，菠蘿好甜西瓜好紅，不過唔甜，檸檬撻感覺太甜，呢餐算中規中矩。