美味小鮮肉 (已結業)

某日經過旺角鬧市，感覺己經同以前唔同咗，因為取消咗行人專用區，已往都會有啲街頭表演，如今只得小貓三，四，隻係度行，係女人街行咗一陣，見前面有間新開嘅食店叫美味小鮮肉，因之前未見過，就入去睇吓有乜嘢食，餐廳環境都好企理，座位舒適，唔算太肚餓，所以叫咗一碗牛丸河加杯熱檸水，小食要咗地瓜天婦羅，牛河都好大碗，牛丸入口肉質彈牙，唔太硬，牛味濃，地瓜天婦羅炸得香脆，外表金黃色內裏軟冧冧，幾好食，食完啲嘢跟住打電話再約係付近住嘅朋友出嚟行街。