龍門冰室 (已結業)

係炮台山嘅電氣道一向都係搵食點， 最近發現有間"龍門冰室" 喎， 原來係新開第六分店， 晚餐有着落啦。 以懷舊磁磚裝修設計， 舒適整潔。 望望餐牌都好多選擇。 除咗晚餐之外， 仲有鐵板餐， 芝士玉子燒， 中式西式， 應有盡有。 太耐無食過鐵板喇， 所以叫咗一個 "牛仔骨拼炸蝦炸帶子跟薯菜", 另一個就 "什扒跟薯菜"。牛仔骨拼炸蝦蝦炸帶子跟了龍蝦汁。 一見到份量真係好多， 薯條足足放滿成個鐵板， 但感覺薯條未炸得通透， 牛仔骨不過不失。 但當想起動嘅時間發現點解得帶子呢， 隻炸蝦去咗邊呀。 問問服務員原來廚房攪錯了， 好快就補返2隻炸蝦俾我喇， 服務員都唔好意思， 抵讚， 本身對炸帶子無咩興趣， 所以有返炸蝦開心返。 而"什扒" 真係顧名思義~咩都有， 豬牛雞， 大大件。 熱辣辣鐵板上枱， 朋友係食肉一族， 貶吓眼就食哂喇。 跟餐其實仲有餐湯同餐飲嘅， 紅湯屬於蔬菜清湯， 湯底好清但夠味嘅， 蔬菜都唔係煲腍嗰隻。