柳氏家 (已結業)

以前一大班人最鍾意去d日式放題餐廳，貪佢咩種類嘅日式野食都有，一定可以滿足哂成班人🤣前排見到柳氏家新推介，野食種類多左好多，唔再單單主打炒雞，睇落幾吸引，即刻搵朋友黎試下🤩招牌炒雞仍然有供應，重有3隻味可以揀，不過同之前唔同嘅係落完單店員炒完先會拎黎，我地就試左辣炒雞同蜜糖味噌炒雞😋雞嘅份量都唔少，有大量京蔥好惹味烤肉海鮮類都係自己落單點嘅，我地差不多樣樣都試哂，最岩打卡嘅就梗係厚切豬腩肉🤤另外護心肉都唔錯，護心肉另一個名叫封門柳，係牛嘅橫隔膜肌肉, 每隻牛只有一條，食落唔肥但味道濃郁👍🏻海鮮方面有蝦、魷魚、多春魚，呢隻韓式鐵板燒嘅板好適合燒多春魚，平時出街燒多春魚成日燒到癡晒底爛晒，都冇心機食，喺度燒竟然可以完完整整咁燒到一條多春魚出嚟，正呀！😍除左炒雞之外，呢度重有韓式炸雞叫，我地試左甜辣味同蜜糖芥末味，略嫌佢嘅醬汁多左d，不過烤雞都依然係脆嘅👍🏻除左要落單點嘅食物之外，餐廳重有一個自助區可以拎野食，有不同種類嘅韓式前菜，熟食方面有飯團、餃子、年糕、粉絲、炒五花腩，重有人蔘雞湯添！另外重有多款丸、年糕、腸仔同蔬菜類比你燒黎食，最後重有罐裝飲品同雪糕添🤤🤤🤤呢度嘅選擇都幾多，可以食燒