丸十日本食堂 (已結業)

經過葵芳諗住轉車去馬灣，咁岩朋友臨時有事改時間，變相要喺葵芳留耐啲，咁就唯有周圍行吓喇，新都會廣場比以往翻新左好多，亦都多左好多食肆。行到黎丸十日本食堂門前就比佢menu既多元化吸引左。餐廳有好多不同類型既日本料理，有壽司、爐端燒、鐵板燒、定食等等可以揀，選擇困難症既話一定好困擾😂😂米國牛肉厚定食定食配有味憎湯、前菜、沙律同飯份量就一約一塊牛扒既size，約5成熟，配搭有小小沙律菜同炸蒜片牛肉入口唔靭，仲帶鐵板燒既味道，配埋個日本白飯真係好好送飯。 海洋之盒一碟5款海鮮，虎蝦、蒲燒鰻魚、廣島蠔、帆立貝同埋魷魚串燒熱辣辣，每一款都燒得好juicy，由其鰻魚最出色，鰻魚汁唔會太咸，即叫即燒夠曬入味。帆立貝壽司散叫左一碟壽司，帆立貝非常厚實，夠晒新鮮又冇雪味，第一件建議唔洗配豉油wasabi，先試左佢既鮮甜。