Shaz Confections (已結業)

Dirty ($42) & 紅莓千層蛋糕 ($68)依家嘅生活習慣令我基本上隔日就會到訪一間位於西環嘅cafe，飲啡食蛋糕坐一個下午。所以開係西營盤嘅cafe已經試過好多間，今日介紹嘅係我暫時嘅最愛！♥︎之前係另一間西環cafe飲到唔啱口味嘅dirty，而今日介紹嘅依杯就係我暫時飲過最啱我心水嘅一杯dirty嘞～expresso同凍牛奶由完美分層到完美融合，由第一啖嘅以咖啡為主嘅溫熱﹑到最尾一啖到牛奶更突出嘅餘溫，偏nutty嘅咖啡豆同奶味香濃嘅牛奶，係一杯完美嘅dirty呀！！(★‿★).千層蛋糕就更加有驚喜！櫥窗有超～級多款口味選擇，次次到訪都選擇困難症發作。不過對於鍾意酸甜口味嘅我黎講，依款紅莓千層蛋糕都算係我嘅TOP 3，餅皮夠薄夠多層，creamy得黎又唔係假忌廉味，配搭紅莓解膩，一啖又一啖食唔停口。.❍ 用餐提示揀cafe除咗要餐點有質素，環境坐得舒服、唔會多人排隊到唔好意思坐咁耐﹑有wifi有廁所都好緊要！對於係cafe用laptop工作嘅人黎講就更需要一張夠大嘅枱，依到嘅環境就樣樣條件都符合（除咗無廁所），好適合係到工作一個下午。