喫麵 (愉景新城) (已結業)

今日去咗荃灣愉景新城買小朋友嘢，順便食埋晚飯。路經一間叫「喫麵」嘅東南亞食品餐廳，餐廳裝修走型格路線，以白色為主題，感覺清潔和舒服，所以決定入去試下。先在入口位置旁的自助販賣機， 先落單然後找位置坐，再自行出去取食物。鮮蝦炒貴刁鮮蝦都幾大隻，肉質彈牙，加埋大量嘅配菜，如雞肉、芽菜豆腐乾等等一齊炒，口感豐富，而且味道濃郁。海南雞喇沙海南雞原來起晒骨，啱晒我。雞肉嫩滑，而且份量不少。喇沙湯底味道濃郁，夠Creamy，辣度適中，而且滲出陣陣椰香味，連同豆腐卜一齊食，味道一流。泰式酸辣鳳爪酸辣汁非常開胃，鳳爪皮夠爽口，真係食唔停口。滷水牛展牛展夠腍，滷得好入味，還配上生菜，滷水汁用嚟送飯啱晒。摩摩喳喳、花生糯米糍食完啲味道濃郁嘅食物，最啱食個甜品。喳喳用料豐富，椰汁味濃郁，估唔到甜品同樣出色。