CHIMAC (大埔超級城) (已結業)

韓式炸雞真係my all time favourite ，今日行過大埔見到呢間炸雞店，有少許堂食坐位，見到大部分人都一盒兩盒外賣咁拎走，我估呢間餐廳非常適合家庭聚餐同開派對食。佢有好多唔同款式嘅炸雞，我揀咗招牌辣味炸雞同水原式牛肋骨醬炸雞。兩種味道都幾唔同，辣味炸雞有韓式辛辣香味，但唔算太辣，水原式牛肋骨醬炸雞就係甜甜地香香地，兩款味道都令人回味。$65 就有6件炸雞，算係非常抵食，雖然size唔算好大舊，但就好的骰容易入口，唔會食完一舊就超膩，可以試多幾種味道。香蔥豬扒飯嘅豬扒好大塊，肉感滿分！有煎到剛剛好嘅煎蛋，配菜一齊食，非常之飽肚。魚糕串非常之有咬口，彈牙好味！