燒烤堂

營業中

休息中

天氣凍凍地，又想食啲暖嘅嘢，就去咗呢間專食串燒嘅舖頭，本身聽個名好似有啲平平無奇，但係入到去發現個裝修都唔錯，比我想像中高級。佢張Menu有兩頁紙上面有好多唔同嘅款式，包括有日韓川疆港式串燒，我同我朋友兩個人叫咗好多嘢，包括佢個原塊雞皮，雞皮墨魚滑，蒜蓉🔥蠔，原隻北寄貝，同埋明太子雞腿，全部都好好食呀！旁邊仲會有個暖爐俾你放啲嘢食上去keep住佢唔好凍，呢個設計都幾窩心，另外我仲叫咗啲黃牛啊，雞翼，日式年糕，韓式三層肉等等嘅串燒。啤酒仲有買一送一，當然唔可以錯過啦，最後食到好飽落街要行咗一個大圈先返屋企呀！