影片
更多
2022-12-20
158 瀏覽
瀛豐 - 放題料理專門店今日嚟到銅鑼灣一間任食嘅放題專門店，有別於一般嘅日式放題，因為除咗日本，仲提供中式、泰式嘅菜式，可以兩小時任食，食返夠本！兩小時基本放題 $249/位基本放題已經包含多達數十款中、日、泰式嘅料理，亦有刺身、壽司、熱食。升級享受 +$138/位想食得再豪啲，可以加錢升級，任食即開即叫生蠔同埋超級邪惡嘅海膽帶子，仲有任飲1664冰凍生啤！生蠔大大隻，海水味重，蠔肉飽滿；海膽帶子兩樣有着濃郁鮮甜嘅食材配搭在一起，將味道更加昇華！壽司刺身非常壯觀嘅刺身拼盤，乾冰嘅效果更加令人食指大動，刺身種類絕對有誠意，最欣賞珍寶赤蝦同埋油甘魚，兩款肉質都非常飽滿、鮮甜，啖啖肉十分滿足。炸物、燒物雖然將重心放咗喺生蠔同埋海膽帶子仲有刺身，但亦不忘叫咗一啲炸物同埋燒物，可以滿足埋剔哂放題紙嘅慾望!
今日嚟到銅鑼灣一間任食嘅放題專門店，有別於一般嘅日式放題，因為除咗日本，仲提供中式、泰式嘅菜式，可以兩小時任食，食返夠本！
兩小時基本放題 $249/位
基本放題已經包含多達數十款中、日、泰式嘅料理，亦有刺身、壽司、熱食。
升級享受 +$138/位
想食得再豪啲，可以加錢升級，任食即開即叫生蠔同埋超級邪惡嘅海膽帶子，仲有任飲1664冰凍生啤！
生蠔大大隻，海水味重，蠔肉飽滿；海膽帶子兩樣有着濃郁鮮甜嘅食材配搭在一起，將味道更加昇華！
壽司刺身
非常壯觀嘅刺身拼盤，乾冰嘅效果更加令人食指大動，刺身種類絕對有誠意，最欣賞珍寶赤蝦同埋油甘魚，兩款肉質都非常飽滿、鮮甜，啖啖肉十分滿足。
炸物、燒物
雖然將重心放咗喺生蠔同埋海膽帶子仲有刺身，但亦不忘叫咗一啲炸物同埋燒物，可以滿足埋剔哂放題紙嘅慾望!
張貼
